Zhou Dynasty (BC 1066-256)
Turkic minam sungpan a makai pa Wu Wang leh Qiang minam te ki pawlkhawm in Shang te do-uh a, na zo uh hi. Wu Wang in kumpi sem in Tibetan te minphatna, leitang leh nasep lian te pia hi. A khuapi Shaanxi, Xian (Sian) City ah phut hi. Hih hun ciangciang Tibet minam te-in ukna kumpi za a ngahloh uh hangin, kumpi innsung leh a gamsung tengah hamsatna lianpi thuaklo in 2140-256 BC ciang mipil thudot zanei leh khua-uk in om uh hi.
Zhou in Great Wall abawl in, a gammi te deihna, lungkimna tawh bawl a, sila salin manin semsaklo a hihman in Tibet minam te-in hihhun sung koimah lalkhiat kullo-in teengsuak thei uh hi. Zhou Dynasty pen sente tangthu sungah a sawtpen ukna nei inzong ki ciamteh hi.
