TON (TONG)

Biakna ngeina te lakah alian pen, a thupi pen khat ahi hi. Pusa thoihna hi a, sialtal khat lo tawh kitong thei lo hi. Ton ding ciangin Bitpi kha (December) in “Bangkuazuu” kiphih hi. Tua ciangin sungh leh pute tawh kilemna la in “Pu zuu” kikholh hi.

Ton zo ding khual tunni “gaukhawl”, a zingciang “pansikni” kici hi. Pansikni zingciang “sapini” a zingciang “Khuangkhuhni zingciang “sipni “bikni” azingciang “sianhonni (sian zuunekni)’ kici hi. Sianhonni in ton sung akigo salu khempeuh kheuh-in kihuan hi.

“Ton sian” bawl mateng a tongte nupa sihna nopna ah pai thei lo, khual zin thei lo, inn tui bek nethei hi. A tonkha laihna sungah “tonsian” kibawl hi. Ton sian bawl na dingin sawng a, gamsa khat peuhpeuh tawh kibawl hi. Tonsian bawl ciang bekin “ton” aman siang bek ahi hi.

Akisa late:  1. Sutnuai la, 2. Innkhangicang la, 3. Inn tam la,   4. Sau-inn la,   5. Hauh bawl la,   6. Holawh la,   7. Khuangkhung la, 8. Tui lak la, 9. Ton lapi,   10. Khuavak la, 11. Tang suah la.

Mi khempeuh “Tong” zolo ahih manin leitung minthan kidemna in zong kinei hi. Pansikni sagawh ma-in, ton siimna khuam “Song” kiphut hi.

PHUNOM MUALSUANG | Page 34