THUKHENNA
Thumanna leh mawhna kimaisakna a thupipenin kingaihsun hi. Mi khat in mi khat tungah khialhna nei a a thuum leh athuumna bangbangin kithuakin kimaisak zo thei uh hi. Kam taam atwh ki thuum theih, zuu leh sa tawh kithuum theih… khelhna anamnamin ki om sak hi.
Mi khat in khialhna neina pi iimcip ahih keileh ahun lai-in thuumna aneih keileh akhilhnate-in pasal muan khat paisakin, “lengla khah” thei hi. Tua pan thuumna nanna a om bangin u le nau te-in leptuahna nei uh hi. Akilungkim theih kei uh leh, hausa’ tung kitun uh hi. Hausa upa in thukhenna neihsak a alungkim kei uh leh hausa upate’ thungeina nuai ah kiciamna:
1. Suangpehna
2. Tuikul tuahnah
3. Tuisia nekna
4. Zuuhaak tepna te khat peuh zangin thuneite’ lungkimpenna bangin anunung pen thukhenna kipia hi.
1. Suang pet a kiciamna: Thuneite leh a thiehpihte-in hih thu ah ka khialh khak leh ….ci-in suang pehna tawh kiciam na la in hausate’ thukhenna mang uh hi.
2. Tuikul tuahna: Hausate’ thungeina nuai pan, thuneite leh atheihpih teng tui lian tuilii khatah paipihin, siampi pa (tualphuisampa) in thunei tegel tungah “aklu sum (ak gawl attan) a at khit ciangin tuilii sungah tuaksak hi. Tui’ sungah a tum theilo pen thulellin kikoih hi.
3. Tuisia nekna: Siampipa in phuisamin haiphei (ummkeu) tawh tui dawn sak hi. Kha thum sung an leh tui, inn leh lo ki tangsakin, tua hun sunga thupiang tawh amwh a tang thukhenna hausate-in pia pan hi.
4. Zuhaak tepna: Zuu beltungno khat thungei tung pan ki lup sak a tua leih khiat ciangin siampipa in phuisamin thuneite kiteepsak hi. Zuu a valh thei lo a haak mi pen a mawh ci-in thu kikhen hi.
Liau dan piakna:
a) Numei leh pasal khial kitenpihlo – Lawi 4
b) Pasal in a zi amak leh – Lawi 4
c) Numei ama thu in aciah leh - aman khempeuh lul (piakik)
d) Pasal zawlleng, azi aciah aa asapkik nopleh – Sialpi khat tawh sam
e) Kisiatsak, kidaisakna - a neu pen vok tuk thum khat
f) Khutkhial (kithat) – luangman
– lawi 8 ahuina a bei teng sik
g) Kigi (gam ciamtehna) kikek- Vok tuk thum nih
h) Man tanna: - Lawi khat Rs 30/-
- Sial khat Rs 60/-
- Tuk thum khat Rs 6
PHUNOM MUALSUANG | Page 59-60
