TANGZA AIH

A khawhsa zotang seu 100 a nei taktak te bek in “tangza ai” thei hi. Pansikni zingsangin taksih huanin, a gawh ding ganteng go uh hi. Mipite khuamual ah pai in’ Tangza suang” ci-in suangtum zakhat phut uh hi. Tua khit ciangin khuang leh zamt etumin “Khuangpi sik” uh hi. Khuangpi sik ciangin “sawng sik” tawh kibang hi. A man ciangin inn lam zuanin ciah uh a, mual leh inn kikal ah “taang tang” theh ziaizuai uh hi. Inn a tun uh ciangin tak sih lom kawm ne kawm khat leh khat kibak uh a, guanuam takin om uh hi.

Tangza aih na ah “Khuangpi sik la” kisa a, asih uh ciangin zong kisa hi. Han lap omo a, a dangteng zunun tawh kibang hi. Pansikni leh Khek leh ni ci-in ni nih sung zuu leh sa ne in kilaam hi. Tangza aih in leitung minthan tungnun kidemna liante lak ah khat ahi hi.

Vamtang:  Innkang a om ciang leh mi kh at peuh mei kanglum a om ciangin, “vamtang” ci-in khuaznagin inn ki om hi. Vam tanni zing an min phet in meikhuk ciat luak khia in nitak an huan hun mateng mei cih kuamah om thei lo hi. Meikangte thuakpihna leh meikang thuakkhakloh na ding upna hang ahi hi.

Saaktang: Sazaa pan kipan gamsaliante aman a om ciangin khuazangin “saak tang” ci-in inn ki om hi. Saak tanglote lo an muat thei hi ci upna om hi.

Zinkha: Zin cih ciangin Dawi cihna ahi hi. Khuasungah dam loh nawngkai a tam hun ciangin, “zinkhakna” kibawl hi. Zinkhak ni in khuapualam ah kuamah ki pai sak lo hi.

Zin khakna dingin innkim in taksih tawmtek kihuanin, tungman tawh ganhing namkim lim kibawl ciat hi. Ni vai hun ciangin, “Na zin te uh ciah sak in khahkia un” ci-in a kisehkholsa pasal khat ki zawng sak hi. “Na zinte uh pai khian hiam? Ko a te pai khin hi, manlangin pai sak un” ci-in inn khat leh inn khat papite kihopih uh hi. Papite in taksih leh tung man milim te pua in, zinte kha ding ci-in khuanawl muallian dong pai uh hi. Tua pan, “Na sunsiah (sun an) uh ne un la, nag ante uh hawl un” ci-in taksih lui in, a gan limte koih uh hi. Tua khit phet leh nunghei nawnlo in ciah san vingveng uh hi.

Zin khakni pan damloh nawngkaina a tungsak dawi leh kaute omnawnlo hi cih upna om hi.

Zulnawl tang: Khuapi guah zuk ciil vanging zakciilni,” zul nawl tang’ ci-in khuazangin inn ki-om hi. Zulnawl tanglote’ lo ante sia thei hi cih upna om hi.

 PHUNOM MUALSUANG | Page 38