KUMPI GAM KHENSAK NA

AD 1910 kum ciangin Mikang kumpi in khuakhat leh khuakhat ah mun leh ngam kawm nei kawikawi loding, ci-in mualzui guamzui in gamgi hong khensak hi. Phunom gamgi pen Khawlai te, Thuklai te tawh a gamgi uh Sihzang mualpi dungzui a hikimlai Ngataplui dungzui in hong khensak ciangin Khawlai gam pen a zaizaw Thuklai in huam a, tua ahuamthak logam tengpensumtawh a tansak hi. Zungkhua tetawh gamgi dingin Sialteenlui hong zatsak ciangin Sialteenlui ii nitumna lam a om Khawlai te ii Ngalpi logam teng leh Sialteenlui ii nisuahna lam a om Khuaimu mual patio ii langkhat Zungkhua te ii Ciinggam hong kitheeksak a, Ngalpi gam leitang hoihzaw ahihman in Rs 492 tawh a sapsak hi.

Tuamah bangin Phunom leh Thangnuai gamgi pen Tuumthaanglui a hi kimlai Hawlpi mualdung hong zatsak ciangin Tuumthaang lui leh Hawlpi kikal a Phunom ngam Daamlam paiphei ii nuaisiah aiding in Rs 1000 pia a, Daamlam tungsiah aiding Rs 500 pen tuni dongin pialo hi, ci-in 1956 kum in Pu Son Tual in Phunom taangpi kikhopna ah agen hi.

Zungkhua leh Phunom /Khawlai, Phunom leh Thangnuai gamgi bawl/Taician pen 23/2/1910 ni hi, ci-in Pu Thual Kam teptehna laibu sung ah kimu hi.

----------------