KHUA KEEKNA
Phunom/Hiangzang khua pen AD 1650 kum a inn 5 tawh akipan taangkhua khat hi napi AD 1950 kumin inn 70 phapan bek hi. 1950 kum khaksung in Phunom khuathung a nisuahna lam deuh Tuicing a cihna ah Pu Neng Za Ngin te hong teengto in, 1956 kum ciangin Pu Kam Thang te-in pawmto in tua nungah Pu Kham Khai, Pu Kam Khaw Cin, Pu Dam Zam te pana kipan ulenau te-in akum akum in hong pawmtoto uh hi. Tuamun pen tu-in Tuicing kici nawnlo in Dimzang veng kici hi.
1966 kum ciangin Phunom khua ii nisuahna lam Ngal a cihna ah U Suak Pian Thang te hong teengphei a, a maikum ciangin Pu Mun Za Thang, Pu Thang Za Kham, Pu Kham Khat Thang te-in pawm uh hi. Akum kumin ulenau te-in pawmuh a Ngal veng kici hi.
----------------
PHUNOM MUALSUANG | Page 105
