ENGZANG KHUA THU

 ENGZANG KHUA THU

Engzang Khua Kisatna

      Saizang zophei ah mi hong ki pawlcin ciangin mi pawlkhat in Tuumzang ah khua nasat hi. Tuumzang pan in mi pawlkhat in Engzang khua nasat leuleu a AD 1400 kiim hi, ki ci hi. Engzang khuasat te a min a ki theihloh uh hangin Engzang khua ah Man Lun, Man Tuang te leh Lun Mun, Suum Niang te a maan laitak in Tuumzang khua pan Haunung te Pu Muang Thang leh Pu Muang Do te unau hongtung hi. Pu Muang Thang pen Engzang ah tengpah in Pu Muang Do pen Engzang pan Khumzang ah, Khumzang pan Val gam Haiciin ah taito hi, ki ci hi. (Pu Ngin Khua Thang)

Engzang Khua Beina

      Engzang khua galte-in hongsima hihman in, a mau inntek amau mahin ahal khit ciang in Man Lun leh Man Tuang te-in saklam zuan in taito a, Amaute Zote kici pah hi. Lun Mun leh Suum Niang te-in Ngatap luipi Mualpi kantan in tai a, tuhun a Thuklai icihna mun, a niamlam teng ah teengin amaute Sihzangte  kici hi. Hihmun pen pu Muang Thang tupa Mang Kim ta Tun Tawng leh Tun Lam te khan laitak hi-a, amau innkuan in kuamah zui tuanlo in Kalzang beelding in tai-a, Kalzang khuanawl Beellei ah teeng uh hi. Engzang ah kuamah teeng nawnlo in abei asuak hi. (Ngin Ko Thang, Hang Za Nang)

----------------

PHUNOM MUALSUANG | Page 84