ANNIIN TAN’ PIANNA THU
Engzang khua ah nuamsa a a kiten laitak nikhat ni-in Lun Mun leh Sawm Niang te nupi nih kitawng a, khatnu in, “na pasal omngawllan a, thuambuak sisawh naneeksim,” ci-in kogawl hi. A lawmnu in, “kei i thuambuak sisaw le-lel, antee po hilel in, nang na pasal omngawllan a, vokno nawitawn naneksim,” ci-in ki kisia ngawp uh hi.
Tua thu a pasal te un azak uh ciangin, “Ih omngawllan a, numei te-in, anlim tuilim po ne sisim thei thong ahile, tupa kipan nupite peumah in, a pasal te omngawl peuma in sa a minpiang nethei nawn ngawltu hi,” ci-in thukham na onsak a, tua thukham pen amau sungbek hilo-in a khuazang a azuihding in na thukim uh a, tua hun pan a kipan Lun Mun, Sawm Niang te, Man Lun, Man Tuang te leh Pu Muang Thang ii suan leh paakte-in a zuipah uh hi. (Pu El Cin, Pu Tun Sing te gen)
ANNIIN TAN’ BEINA THU
Phunom khua pan in Haunung nupi te anniin tanna thu, khangthak te-in akan uh ciangin thupi salo a hihman in 1937 kum khuado zawh nikhatni in zuu kidong in, khuipi khat ngo-in nupi te siansuahna bawl uhhi. A siansuahpa pen tuahun laitak a Tualphuisampa , Tomu te Pu Kip Suan hi a, a siansuah laitak in a pasalteng vakkhiasak a, tua kal in nupi teng tung ah tamphuat in a khuisin themkhattek leh a khuisatui uumkeukhattek neeksakna tawh siansuah hi.
A siansuah khitciang in a pasal teng kaikhawm kik a, sakuang ankuang uumkhawm uh hi. Tuani pan a kipan Haunung nupi te-in anniin tanna pan suakta uh hi. (Pu El Cin, Pu Thang Khai, Pu Kham Khua Suan)
PHUNOM MUALSUANG | Page 85
