NEEK LEH DAWN

NEEK LEH DAWN

Anpi dingin vaimim leh taang kine hi. Anlim dingin tangho, taksih (tangman gan huan) sum khai (taksih sum a den), an nawi (tang man sih) te kihuan hi. An a tamzaw keu tawh kine a, khut guak tawh annek ki tam zat lo hi.

“Kai tan” ci-in kawlkai (Kaithum) min sa tem tawh tan lie lei in nisa ah phokeu in kikoih hi. Khal nisat ciangin kaitan leh ngatum huan akiduh pen an namkhat ahi hi. Aalu leh ngatum huan zong aki duh pen an namkhat ahi hi.

Banla min at in thambel ah umin, a tui kine hi. Tuamah bangin banla min at in kiphokeu a, duh hunhun anek dingin kikoih hi. Bel tung sungah guangin tui leih in peng tawh kiteep thei hi.

Taang, vaimim, mim leh mangtang te tawh zu, zuha, zuhang leh zuniang te kibawl hi. Lengngah min zong tui azah nih leh akhum azah khat tawh thambel ah bilhin duh hunhuna dawn theih dingin kikoih hi.

Innkim in tuinak tawh tui la-in, tuikuang nei tek uh hi.  Sa ngawh ciangin, banlakai ahih kei leh banlapisuk sasi leh satak satnen tawh hel-in, sagil ah thalhin “sangoi” ci uh hi. Sangoi pen sa teng lakah a thupi leh a lim penin nei uh hi.