APOTAWM LEH AKICIING KUNG TE
A potawm kungte:
Kaal, Singngi, mui, singsan, khuum, pakngiam, vang, thei, sawklu, khuangsuah, pang, theithawt, vau, tei, sasan, vangsi, phutiong, ngeisok, sesing, ngahhia (sial nuh), tehno, ngel, lim, hiang, taak, thal, mawng, thuangsi, va-nguh singte a tampenin po hi.
Siamna (naang) leh a taumtuam a zatding ci-in guapi, daang, ciing, gua gah, guasing te suan in kiciing hi.
Ciin ankung te:
Tuuk-an in vaimin, taang, mai, tangmai, aalu, be nam tuamtuam leh anteh nam tuamtuam te kiciing hi. Khaal an in ga, beli, behiang, mumman, mimngo, mangbuh, simui, sising, bekan, hakai nam tuamtuam, kaibial kaisisan, singhakai, kawlkai (kaithum), baal leh uisul te kiciing hi.
Meh dingin aalu, ankam nam tuamtuam, bokbawn (mehthuk), ompawng (gualkhadi), siing, bedawng, benaang nam tuamtaum mehkha, maza (zasan), aison (lothaang) nam tuamtuam, lo namsia, nanan, nam tuamtuam leh aisan te kiciing hi.
Mawk nek dingin kawltuu, hai, sawklusan, sawklu mul (meitei), seek (sahawk), ngai (lengthei), kawlsing, banla (nahtang) ngapsep (bokthok), singpi, manawi (nunun), seekpi kungte a kipan neektheih kung tuamtuamte ki ciing hi.
Sum ngahna dingin kapi, lingmaw, tampaza, eppel, lenggah, thawhbat, aalu, siing, aisonpi kang, aisonpi san, sing bokbawn (sing meh thuk), ankamteh, kawpi thup, kawpi pak, bedawng te kiciing hi.
